Үйлчилгээний нөхцөл

Энэхүү үйлчилгээний нөхцөл нь Цонжин Кибер Сити ХХК (цаашид "Компани" гэх)-ийн tsonjin.com веб сайт, «Цонжин» гар утасны апп болон бусад цахим үйлчилгээг ашиглахтай холбоотой харилцааг зохицуулна. Сайт, апп болон үйлчилгээг ашигласнаар та эдгээр нөхцөлийг бүрэн хүлээн зөвшөөрсөн гэж үзнэ.

1. Ерөнхий заалт

Компани нь Монгол Улсын хуулийн дагуу бүртгэлтэй хуулийн этгээд бөгөөд үл хөдлөх хөрөнгийн борлуулалт, барилгын менежментийн чиглэлээр үйл ажиллагаа явуулдаг. Цонжин Болдогт сингл хаус, таун хаус, резорт, зах талбайн объект борлуулах зуучлал, захиалга хүлээн авах үйлчилгээг үзүүлнэ.

2. Мэдээллийн үнэн зөв байдал

Сайт дээрх зураг, үнэ, талбайн хэмжээ болон бусад мэдээлэл нь мэдээлэл өгөх зорилготой бөгөөд гэрээний баримт биш болно. Барилгын явц, загварын өөрчлөлт гарч болзошгүй тул эцсийн мэдээллийг бидний борлуулалтын мэргэжилтнээс авна уу.

• Бүтээгдэхүүний үнэ урьдчилан мэдэгдэлгүйгээр өөрчлөгдөж болно.
• 3D дүрслэл болон зурагт дуусгавар байдал тусгагдсан байж болно.
• Талбайн хэмжилт ±3% хүртэл зөрүүтэй байж болно.

3. Захиалга өгөх

Вэб сайтаар дамжуулан хийсэн захиалгын хүсэлт нь урьдчилсан захиалга болно. Хүсэлт ирснээс хойш ажлын 2 өдрийн дотор манай мэргэжилтэн тантай холбогдоно. Захиалга эцэслэхийн тулд дараах алхмуудыг дамжина:

1. Цахим эсвэл биечилсэн уулзалтаар нөхцөл тохиролцох
2. Гэрээ байгуулах
3. Урьдчилгаа төлбөр төлөх
4. Барилгын явцыг хянах системд хандах эрх авах

4. Төлбөрийн нөхцөл

Төлбөр тооцоо нь байгуулагдсан гэрээний дагуу хийгдэнэ. Компани нь дараах хэлбэрийн төлбөрийг хүлээн авна:

• Банкны шилжүүлэг (Компанийн дансаар)
• Бартер хэлбэр (компанийн зөвшөөрлөөр)
• Бусад тохиролцсон хэлбэр

Гэрээний дагуу хоцорсон төлбөрт жилийн 1.5% хүү тооцогдоно. Маргаантай төлбөрийн нөхцлийг хоёр тал тохиролцож шийдвэрлэнэ.

5. Гэрээ цуцлах

Байгуулагдсан худалдааны гэрээ цуцлах шаардлага гарсан тохиолдолд дараах нөхцөл хамаарна:

• Гэрээ байгуулснаас хойш 14 хоногийн дотор цуцлахад суутгал хийгдэхгүй.
• 14 хоногоос 90 хоногт цуцлахад нийт үнийн 5%-ийн суутгал хийгдэнэ.
• 90 хоногоос хойш цуцлахад нийт үнийн 10%-ийн суутгал хийгдэнэ.

Барилгын ажлын хугацааны хойшлолтоос хамааран нөхцлийг тохиролцох боломжтой.

6. Бүртгэл

• Бүртгэл үүсгэхдээ өөрийн үнэн зөв мэдээллийг оруулна. Буруу мэдээллээс үүссэн үр дагаврыг Компани хариуцахгүй.
• Нууц үгээ бусдад дамжуулахгүй байх, бүртгэлээрээ хийгдсэн үйлдлийг хариуцах нь хэрэглэгчийн үүрэг.
• Нөхцөл зөрчсөн, бусдын нэрийг ашигласан бүртгэлийг Компани түдгэлзүүлэх эрхтэй.
• Та бүртгэлээ хүссэн үедээ апп болон нууцлалын бодлогод заасан журмаар устгаж болно.

7. Оршин суугчийн үйлчилгээ

Цонжин Кибер Ситийн оршин суугчид апп болон сайтаар засвар, гэмтлийн хүсэлт илгээх, СӨХ-ийн төлбөрийн мэдээллээ харах боломжтой.

• Засварын хүсэлтийг барилгын даамал хүлээн авч, шийдвэрлэх төлөвлөгөөгөө хариугаар мэдэгдэнэ. Засварын хугацаа, нөхцөл нь гэрээ болон баталгаат хугацааны дагуу тодорхойлогдоно.
• Хүсэлтэд хавсаргах зураг, бичлэг, текст нь зөвхөн тухайн асуудалтай холбоотой байх ёстой. Бусдын хувийн мэдээлэл, доромжилсон агуулга оруулахыг хориглоно.
• Засварын хүсэлт нь яаралтай тусламжийн үйлчилгээ биш. Гал, хий, их хэмжээний ус алдалт зэрэг яаралтай нөхцөлд 101 (гал), 105 (онцгой байдал) дугаарт нэн даруй холбогдоно уу.
• Апп дахь СӨХ-ийн төлбөрийн мэдээлэл лавлах зориулалттай; албан ёсны үлдэгдэл, нэхэмжлэлийг СӨХ-өөс тодруулна.

8. Оюуны өмч

Сайт болон апп дээрх бүх агуулга — зураг, текст, лого, дизайн, кодчилол — Компанид харьяалагдана. Зөвшөөрөлгүйгээр хуулбарлах, тараах, арилжааны зорилгоор ашиглахыг хориглоно.

9. Хариуцлага хязгаарлалт

Компани нь дараах тохиолдлуудад хариуцлага хүлээхгүй:

• Техникийн доголдол, серверийн тасалдлаас үүссэн алдагдал
• Гуравдагч этгээдийн сайт руу шилжих үеийн аюулгүй байдал
• Давагдашгүй хүчний нөлөөлөлд (байгалийн гамшиг, цар тахал гэх мэт) хамаарах хойшлолт

10. Маргаан шийдвэрлэх

Энэхүү нөхцөлтэй холбоотой маргааг тохиролцлоор шийдвэрлэхийг эрхэмлэнэ. Тохиролцоо гараагүй тохиолдолд Монгол Улсын холбогдох хуулийн дагуу шүүхэд хандах эрхтэй.

11. Нөхцөл өөрчлөгдөх

Компани нь энэхүү нөхцлийг урьдчилан мэдэгдэлгүйгээр өөрчлөх эрхтэй. Өөрчлөлт нь сайт, аппад нийтлэгдсэн өдрөөс хүчин төгөлдөр болно. Тогтмол шалгаж байхыг зөвлөнө.

12. Холбоо барих

Үйлчилгээний нөхцөлтэй холбоотой асуулт, санал хүсэлтийг доорх хаягаар хүргүүлнэ үү: